Bejn is-seklu 15 u 17 ġie żviluppat lingwaġġ mistiku-letterarju li bħal lenti jkabbar temi marbutin mal-identità u l-post tal-Ordnijiet Reliġjużi fil-Knisja u fis-soċjetà. Dan il-fenomenu kien jinħass b’mod partikulari fi Spanja. Skont Santiago Sebastián ma kienx hemm ordni reliġjuż ieħor li spikka f’dan il-lingwaġġ mistiku-letterarju daqs l-Ordni Karmelitan.
F’għeluq il-ħames mitt sena mit-twelid ta’ Santa Tereża ta’ Ġesù, Mario Azzopardi f’Ċekkmejt lil Kristu, jitfa’ taħt il-lenti lil Tereża, l-esperjenza tagħha, kitbietha u jaqraha mill-aspett teatriku imnebbaħ mill-kuntest barokk u eżuberanti tagħha u nterpretat fid-dawl tat-teorija teatrali iktar reċenti.
Għal min jixtieq dakinhar talt-taħdita jista’ jakkwista kopja tagħha pubblikata fi ktejjeb.
It-taħdita ta’ Mario Azzopardi se tkun ippublikata u mnedija f’edizzjoni limitata nhar il-Ġimgħa 13 ta’ Marzu 2015 fi ktejjeb “Ċekkmejt lil Kristu. Biex takkwista kopja ibgħat messaġġ privat fuq din il-paġna jew fuq info@carmelitepriory.org
